مذكرات معلم مسربة_ فيديو يحكي واقع المعلم السعودي
السلام عليكم ورحمه الله وبركاته
شخبارهم ؟؟
«مذكرات معلم مسربة» فيديو يحكي واقع المعلم السعودي فلم تم انتاجه يحكي واقع المعلمين بالسعوديه .. تزامناٌ مع اسم هذا العام ( عام المعلم )
متابعه طيبه ،، ونتناقش بعد المشاهده
من واقع اني اكثر المقربين مني معلمين اولهم خالي واختي مرورآ لـ عيال عمي ،،
كلهم يعانون معاناه من الطلاب ، الا شخص واحد الي اهو خالي وتكلمت عنه في موضوعي قدوتي مافيه مثله .. له تقريبا 19 سنه في التعليم وصراحه ماشفت مثله بتعامله مع طلابه وتعامل طلابه معاه يعني اغلب طلابه الي تخرجو للحين متواصلين معاه ودايم يستشيرونه ،،
صراحه انا اشوف انو المعلم بالاول والاخير هو الي يقدر يتحكم بالطلاب ويقدر يوجههم توجيه صالح يصب في مصلحته ومصلحه الطالب ،،
اليوم اختي تسئلني تقول الحين اذا الابله خذت من الطالبات فلوس عشان تزود دراجتهم يعتبر رشوه ؟!
اكتشفت ان فيه معلمه تاخذ من كل طالبه 3 ريال عشان الدراجات ؟؟
وبكل صراحه المعلمين مهضوم حقهم من بعد مامنعوا الضرب بالمدارس الطلاب قوتهم شوكتهم وعينهم صارت قويه ونسوا : قُـمْ للمعلّمِ وَفِّـهِ التبجيـلا كـادَ المعلّمُ أن يكونَ رسولا ،
عن أبى هريرة رضى الله عنه قال: قال رسول الله صلى الله عليه وآله وسلم: “ مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ قَالَ أَبُو عِيسَى هَذَا حَدِيثٌ حَسَنٌ{رواه الترمذي(2646)}
الايام هذي اصبح التعليم بالنسبه للطلبه تسليه ولعب !،
ننتظر الاخوه المعلمين والمعلمات يتكلمون لنا عن مواقفهم ومشاكلهم اليوميه ،،
اترك لحضراتكم التعليق ،،
http://www.nawafnet.ws/msg-4873.htm