ice mountain
هذي قضيت عليها بروحي وما خليت احد ياكلها لانها اتييين
حقي بروحي بس وتفاجات انه فيها كراميل
قلت بقلبي اشوف ليش احبج
basboosa by dalia
اما البسبوسة هذي الي ما يطلبها خسرااااااااااان
امي واختي حطوها يمهم وقضو عليها ما خلوني اكل اله قفشة وحدة حتى الاخت غدير خلوها تاكل قفشة وحدة
وسلمنا عليها كانت خياليه صج من قلب انصح فيها
للعلم هالسمبوسة من انتاج شخص كويتي واهو عمها علم الشيف شلون يسويها ودخلوها بالمطعم
ويا وقتي وقت استمتاعي بالشاي لازم لازم كل مطعم احب اجرب الشاي اذا كان متوفر عندهم
طريقتهم كانت وايد راقية وغريبة وكلاسك
وعندهم واايد انواع من الشاي عليكم تختارون الانسب لكم
chaba tea
اه كم انت اقرب مشروب يعدل المود
عالمي انت
لا وبعد بهذا المكان الهادي قررت كل ما احتاج الي هدوء راح يكون افضل اختيار لي وهو
Salad Boutique
وما زلت مستمتعة بالديكور
وبدات النهار يغيب ويحل بدالة ظلام وهدوء
اجواء صج رائعة بالمطعم وخاصة بعد ما تغيب شويه الشمس
فصورت المكان وطريقة الاضاءة مريحة
وهذي القعدة الي شوية مرتفعة وتكون برايفت
وهذي الجة الثانية من القعدة وهم مرتفعة
طريقة الديكور ما زالت تشدني
ما اجمل الهدوء بهذا المكان
واحنا نسولف تعرفت على سلطة عندهم بمبلغ 75 دينار
راح تقولون ليش هالسعر راح اقول لكم عبارة عن شنو
كافيار بيلوجا الشهير - سمك السلمون - بصل - طمام - خيار - خس روماني - حس لولو روسو - خبز مفرمش
Beluga Caviar , Smoked Salamon , chopped onions , tomato , cucumber , served atop of romaine and lollo rosso lettuce, Crispy Bead
وبالاخير تم تصوير الستاف كعربون شكر و محبة لهم
والي شد انتباهي ان المطعم مشارك بالحمله التوعية لسرطان الثدي
شي عظيم يستحق الشكر والله
انطباعي بالمطعم قوي ورائع ويستحق التجربة يمكن في بالكم انه المطعم مخصص فقط للسلطات بالعكس قائمة المطاعم راح تذهلكم
علمان انه عندة قائمة للفطور وعندة وقت الغدى والعشى
وان شاءالله راح اعرفكم على قائمة الفطور وفطور كويتي بعد بيكون شي خيال
وبالنهاية احب ان اشكر اختي غدير خاجة على هالدعوة وعلى اني تعرفت على اخت غالية وتشرفت بمعرفتها واايد واشكرك بعد الشركاء على هالمطعم
على تعاونهم وانه قدرو يبصمون علامة تجارية كويتية خارج الكويت
والله يوفقكم ياربي وان شاءالله اسمع عن اول فرع لـ
Salad Boutique
باحدى الدول الاجنبية